‌داتا به‌یسی‌ پرۆژه‌ی‌ مێژوی‌ عێراق رێگه‌به‌وه‌ ده‌دات ئه‌و به‌سه‌رهات و چیرۆكانه‌ی‌ كۆكراونه‌ته‌وه‌ شیكار بكرێن به‌ چه‌ند رێگه‌ی‌ جیاواز. ئه‌م زانیاریانه‌ی‌ خواره‌وه‌ تێروانینێك سه‌باره‌ت به‌و به‌سه‌رهاتانه‌ی‌ له‌ناو داتا به‌یسه‌كه‌دان ده‌خاته‌روو.

•  کۆَی‌ به‌سه‌رهاته‌كان 7,018

•  جێنده‌ری‌ كه‌سه‌ دیمانه‌كراوه‌كان - % 70 ئه‌وانه‌ی‌ چاوپێكه‌وتنیان له‌گه‌ڵ كراوه‌ پیاون و له‌%29 یان ژنن. پرۆژه‌ی‌ مێژوی‌ عێراق درکی به‌وه‌ کرد كه‌ زۆرێك له‌ ژنانی‌ عێراق‌ ئاماده‌ن قسه‌ بكه‌ن له‌باره‌ی‌ ئه‌و خراپ مامه‌ڵه‌كردنانه‌ی‌ دژیان به‌کارهاتوه‌‌ و ئازار و مه‌ینه‌تیان پێوه‌ چه‌شتوه‌. ئه‌مه‌ ئه‌و ده‌رگایه‌ی‌ بۆ پرۆژه‌ی‌ مێژوی‌ عێراق ئاوه‌ڵا كردوه‌ كه‌ بتوانێت ئه‌زمونی‌ ژنانی‌ عێراقی‌ له‌ سته‌مكاری‌ و چه‌وساندنه‌وه‌ی‌ رابردوو دۆکیومێنت بكات و شیكاریان بكات كه‌ 935 چیرۆك سه‌باره‌ت به‌ لاقه‌ی‌ ناموس له‌خۆ ده‌گرێت.

•  ئیتنیكی‌ دیمانه‌سازه‌كان
  پرۆژه‌ی‌ مێژوی‌ عێراق توانیویه‌تی‌ چیرۆك له‌گروپه‌ جیاوازه‌كانی‌ خه‌ڵكی‌ عێراق كۆبكاته‌وه‌. زۆرینه‌ی‌ به‌سه‌رهاته‌كان له‌كوردی‌ سونی‌ و عه‌ره‌بی‌ شیعه‌ پێكهاتوون. له‌گه‌ڵ ئه‌وه‌شدا، پرۆژه‌ی‌ مێژوی‌ عێراق به‌سه‌رهاتی‌ له‌ عه‌ره‌بی‌ سونی‌ و كوردی‌ شیعه‌، توركمان، ئاشوری‌، ئێزیدی‌ و كه‌سانی‌ دیكه‌ش كۆكردۆته‌وه‌.
  دابه‌شكردن به‌گوێره‌ی‌ هه‌رێمه‌كان
  پرۆژه‌ی‌ مێژوی‌ عێراق له‌ هه‌موو ناوچه‌كانی‌ عێراق چیرۆكی‌ كۆكردۆته‌وه‌. ئه‌مه‌ی‌ خواره‌وه‌ ژماره‌ی‌ ئه‌و چیرۆكانه‌یه‌ كه‌ له‌پارێزگاكان كۆكراونه‌ته‌وه‌.

• زیاد    له    ‌  1000  هه‌ولێر و سلێمانی‌ 

• 500   بۆ    1000     به‌غداد، كه‌ركوك و میسان

• 200   بۆ     499     بابل، به‌صره‌،دیاله‌، دهۆك، موسه‌‌نا

• 75     بۆ     199     كه‌ربه‌لا،نه‌جه‌ف، نه‌ینه‌وا، قادسیه‌، زیقار

• که‌متر  له      ‌   75   ئه‌نبار،صه‌لاحه‌دین، واست

به‌گشتی‌، پرۆژه‌ی‌ مێژوی‌ عێراق توانی‌ به‌شێوه‌یه‌كی‌ باش چیرۆك له‌هه‌موو ناوچه‌كانی‌ عێراق كۆبكاته‌وه‌ جگه‌ له‌و ناوچانه‌ی‌ كه‌كێشه‌ی‌ ئه‌منی‌ تێیدا هه‌بوو وه‌ك صه‌لاحه‌دین و ئه‌نبار.

•  پێشێلكاریه‌كان
  ئه‌و چیرۆكانه‌ی‌ پرۆژه‌ی‌ مێژوی‌ عێراق كۆیكردونه‌ته‌وه‌ پێشێلكاری‌ هه‌مه‌جۆر له‌خۆده‌گرن وه‌ك ژماره‌یه‌كی‌ به‌رچاو له‌ به‌سه‌رهاتی‌ كه‌سی‌ سه‌باره‌ت به‌ ره‌شه‌كوژی‌، ئه‌شكه‌نجه‌، لاقه‌ی‌ ناموس، سه‌رنگومكردن و راگواستن. ئه‌مه‌ی‌ خواره‌وه‌ كورته‌یه‌كی‌ به‌رایی‌ هه‌ندێك له‌و‌ پێشێلكاریه‌ سه‌ره‌كیانه‌یه‌ كه‌ له‌ چیرۆكه‌ كۆكراوه‌كاندا به‌دی‌ ده‌كرێن.